| Georg Danzer lyrics
Der Alte Wessely lyrics
Wann der oide Wessely im Wirtshaus sitzt, redt er gern von der Vergangenheit. Nur das
des für eam no net vergangen is, weil er träumt von einer neuen Zeit. "Jo i sogs
euch" sagt der oide Wesseley, "damals unterm Hitler war's scho guat. Heut - wann der
no lebn tät - gebat's sowas net, mit der ganzen Terroristenbruat." Seine Freund die
ruafen "Bravo Wessely!" und bestön a neiche Runde Bier. Und die blade Wirtin setzt
sie a dazua und sie haut sie auf die fetten Knia. Weil der Wessely grad Judenwitz
dazöhlt und weil des so furchtbor lustig is. Sagt die blade Wirtin mit ganz feichte
Augn: "Gratuliere, gratuliere, Herr Wessely, kana kann so Judenwitz dazöhln, wia
sie."
Draußen auf der Stroßn geht a Facklzug und die Fackln leuchten durch die Nacht. Es
wern imma mehr, bis ganz taghell drausd wird. Und bis kana mehr im Wirtshaus lacht.
Fäuste rütteln draußen an der Eingangstür und jetzt kommt ein junger Mann herein.
Und er sagt "Wo is der oide Wessely? Der soll unser neuer Führer sein!" Und der oide
Wessely springt am Tisch. Führermäßig knoit er d'Hackn zam. Und die oide Wirtin sagt
"I hobs jo gwusst. Gratuliere, gratuliere, Herr Wessely, kana kann den Hitlergruaß
so gut wie sie!"
Plötzlich woch i auf und lieg daham im Bett, aber es is eh zum Aufstehn Zeit.
Drunten vor der Haustür steht a Bsoffener und i hea, wie der "Heil Hitler" schreit.
Aufstehn, anziagn, owegehn, in'd Goschn haun. Des is olles, was i mochn mecht. A
wann des nix ändert, mir hüfts wenigstens, weil mir is vua Wut im Bauch ganz
schlecht.
Und es gibt no imma so vü Wesselys und ihr Mief verstinkt die ganze Welt. Und die
bladen Wirtinen sterbn a net aus. Gratuliere, gratuliere, Herr Wessely, kaner hat
die Jugend so versaut, wia sie!
Other Georg Danzer lyrics:
A Mensch Möcht I Bleiben lyrics
Allan Wie A Stan lyrics
Auftritt lyrics
Betina lyrics
Corrina, Corrina lyrics
Der Frauenmörder Wurm lyrics
Der Legendäre Wixer-blues lyrics
Große Dinge lyrics
Haschisch lyrics
Hupf In Gatsch lyrics
I Bin A Kniera lyrics
Jö Schau lyrics
Lass Mi Amoi No D'sunn Aufgeh Segn lyrics
Ollas Leiwand lyrics
Sado-maso lyrics
Schau Schatzi lyrics
Was War Weihnachten lyrics
Wieße Pferde lyrics
Zehn Kleine Fixer lyrics
| |